თბილისი, 9 თებერვალი — Sputnik. საქართველოს ფეხბურთის ნაკრებისა და ესპანეთის „ვალენსიის“ მეკარე გიორგი მამარდაშვილი ესპანეთის ჩემპიონატის მე-20 ტურის სიმბოლურ ნაკრებში შეიყვანეს. ტურის საუკეთესო ფეხბურთელები ავტორიტეტულმა ვებ-გვერდმა Whoscored-მა განსაზღვრა.
მიუხედავად იმისა, რომ „ვალენსიამ“ ბოლო ტურის მატჩი „ჟირონესთან“ წააგო (0:1), ექსპერტებმა აღნიშნეს მამარდაშვილის შესანიშნავი თამაში და მისი რამდენიმე ე.წ. სეივი.
ანალიტიკისა და სტატისტიკის საერთაშორისო ვებ-გვერდმა „ვალენსიის“ 22 წლის მეკარეს თავდაპირველად 7,9 ქულა დაუწერა, შემდეგ კი მისი შეფასება 8,1 ქულამდე გაიზარდა და მამარდაშვილი ტურის სიმბოლურ ნაკრებში შეიყვანეს.
მამარდაშვილი „ვალენსიაში“ იჯარის უფლებით 2021 წლის ივნისში გადავიდა.