თბილისი, 2 თებერვალი — Sputnik. ესტონეთის ქალაქ ტირვაში უკრაინის პრეზიდენტ ვოლოდიმირ ზელენსკის ქვიშის სკულპტურა დადგეს, რომელიც ამერიკული თავისუფლების ქანდაკების სტილშია შესრულებული.
ამის შესახებ ქვეყნის პრემიერ-მინისტრი კაია კალასი წერს Twitter-ზე და იქვე ქანდაკების ფოტოსაც აქვეყნებს.
„ესტონელთა მხარდაჭერა უკრაინისადმი ურყევია, ამის ნიშნები ყველგანაა ესტონეთში. ტირვის მცხოვრებლებმა უკრაინისადმი მიძღვნილი თავისუფლების პარკი მოაწყვეს, სადაც პრეზიდენტ ზელენსკის მონუმენტური ქვიშის ქანდაკება დგას. მათი გადაწყვეტილებით, ქანდაკება მანამ იდგება, სანამ უკრაინა არ გაიმარჯვებს“, — დაწერა კალასმა.
თავისუფლების პარკი ტირვის მოსახლეობამ გასული წლის ივნისში გახსნა უკრაინისადმი მხარდაჭერისა და თანადგომის ნიშნად.
ესტონეთი კონფლიქტის დაწყების დღიდან უჭერს მხარს უკრაინას. მან უკვე გადასცა უკრაინას დახმარების პაკეტი, რომელიც ტანკსაწინააღმდეგო რაკეტებს, ჰაუბიცებს, ტანკსაწინააღმდეგო ნაღმებსა და სხვა იარაღს მოიცავდა.
ცოტა ხნის წინ ცნობილი გახდა, რომ ესტონეთის მთავრობამ შესაძლოა უკრაინას 113 მილიონი ევროს ოდენობის სამხედრო დახმარება გაუწიოს.