მსოფლიო დღეს

ირანი ევროკავშირის ჯარების ტერორისტულ ორგანიზაციებად გამოცხადებას გეგმავს

Sputnik
თბილისი, 20 ინვარი — Sputnik. ევროპარლამენტის რეზოლუციაზე პასუხად, რომელიც ისლამური რევოლუციის გვარდიის კორპუსის (IRGC) ტერორისტული ორგანიზაციების სიაში შეყვანას ითვალისწინებს, ირანი აპირებს თავადაც გამოაცხადოს ევროკავშირის ქვეყნების ჯარები ტერორისტულ ორგანიზაციებად, განაცხადა ირანის პარლამენტის პრეზიდიუმის წევრმა აჰმად ნადერიმ.
ამასთან დაკავშირებით პარლამენტი გეგმავს გააფართოვოს „შეერთებულ შტატებში IRGC-ს ტერორისტულ ორგანიზაციად აღიარების საპასუხო ღონისძიებების შესახებ“ კანონის მოქმედების სფერო.

„ეს პროექტი გავრცელდება ევროკავშირის ყველა წევრ სახელმწიფოზე და მათ შეიარაღებულ ძალებზე, მათ იმ ორგანიზაციებსა და ინსტიტუტებზე, რომლებიც IRGC-ს ტერორისტული ორგანიზაციების სიაში შეიყვანენ“, — ციტირებს სააგენტო ISNA აჰმად ნადერის სიტყვებს.

მანამდე, 18 იანვარს ევროპარლამენტმა მიიღო რეზოლუცია, რომლითაც ევროკავშირს მოუწოდებს, შეიყვანოს IRGC ტერორისტული ორგანიზაციების სიაში. რეზოლუციას მხარი 589-მა ევროპარლამენტის დეპუტატმა დაუჭირა, წინააღმდეგი იყო 9. გადაწყვეტილება მიღებულ იქნა ირანის ტერორისტული ქმედებების, დემონსტრანტების წინააღმდეგ რეპრესიებისა და რუსეთისთვის დრონების მიწოდების შესახებ ინფორმაციის ფონზე.