თბილისი, 14 იანვარი — Sputnik. საქართველოს საგარეო სავაჭრო ბრუნვა გასულ წელს 2021 წელთან შედარებით 32,8%-ით გაიზარდა და 19 მილიარდ აშშ დოლარს გაუტოლდა (არაორგანიზებული ვაჭრობის გაუთვალისწინებლად), ნათქვამია სტატისტიკის ეროვნული სამსახურის „საქსტატის“ მასალებში.
გასულ წელს ქვეყანაში შემოიტანეს დაახლოებით 13,5 მლრდ დოლარის ღირებულების პროდუქცია – 2021 წელთან შედარებით თითქმის 33,2%-ით მეტი.
2022 წლის საგარეო სავაჭრო ბრუნვა
მაჩვენებელი | მოცულობა, მლნ დოლარი | ზრდა, % |
ექსპორტი | 5 592,8 | 31,8 |
იმპორტი | 13 450,2 | 33,2 |
სულ | 19 043,0 | 32,8 |
ექსპორტმა შეადგინა თითქმის 5,6 მლრდ დოლარი - 31,8%-ით მეტი, ვიდრე 2021 წელს და 47,2%-ით მეტი, ვიდრე პანდემიამდე, 2019 წელს.
2022 წელს უარყოფითმა სავაჭრო ბალანსმა 7,9 მლრდ დოლარი შეადგინა, რაც 2021 წელთან შედარებით 34,2%-ით მეტია.
საქართველოს საგარეო სავაჭრო ბრუნვა 2021 წელს 2020 წელთან შედარებით 25,6%-ით გაიზარდა და 14,3 მილიარდი დოლარი შეადგინა (არაორგანიზებული ვაჭრობის გაუთვალისწინებლად), ამასთან ქართული პროდუქცია გასულ წელს 4,2 მილიარდი დოლარის ოდენობით იყო ექსპორტირებული - 26, 9%-ით მეტი 2020 წელთან შედარებით.