გარდაიცვალა რეჟისორი გიორგი ლევაშოვ-თუმანიშვილი

თბილისი, 5 იანვარი – Sputnik. 80 წლის ასაკში გარდაიცვალა მხატვარი, რეჟისორი და სცენარისტი გიორგი ლევაშოვ-თუმანიშვილი, იუწყება „პირველი არხი“.

გიორგი ლევაშოვ-თუმანიშვილმა 1963 წელს დაამთავრა თბილისის სახელმწიფო უნივერსიტეტი, 1971 წელს – თბილისის სახელმწიფო სამხატვრო აკადემია, 1976 წელს კი – თბილისის სახელმწიფო თეატრალური ინსტიტუტის სარეჟისორო ფაკულტეტი.

იყო ტელევიზიის კინორეჟისორი, მუშაობდა დიდი ბრიტანეთის ტელევიზიის მე-4 არხზე.

ლევაშოვ-თუმანიშვილს გადაღებული აქვს ფილმები: „პრემიერა“, „ექსპერიმენტი“, „მთვარის გლობუსი“, „ვეძებთ მარჯორის და ოლივერს“, „ათოვდა ზამთრის ბაღებს" და სხვ.