თბილისი, 31 დეკემბერი — Sputnik. ცნობილი ამერიკელი ბიზნესმენი და მილიარდერი ილონ მასკი ისტორიაში პირველი ადამიანია, რომელმაც 200 მილიარდი დოლარი დაკარგა, იუწყება სააგენტო Bloomberg.
„Tesla-ს აქციების ღირებულების 11%-იანი ვარდნის შემდეგ 51 წლის ბიზნესმენის კაპიტალი 137 მილიარდ დოლარამდე შემცირდა. ამჟამად მასკის ქონება 2021 წლის 4 ნოემბრის ნიშნულზეა და 340 მილიარდ დოლარს შეადგენს“, - იუწყება სააგენტო.
კომპანია Tesla Motors, რომელიც ქმნის ელექტრომობილებს და მათთან დაკავშირებულ ტექნოლოგიებს, 2003 წელს შეიქმნა. ელექტრომობილების გარდა, კომპანია საკუთარი ტექნოლოგიით აწარმოებს ბატარეებსა და ელექტროძრავებს და აწვდის სხვა ავტოკომპანიებს, კერძოდ Toyota-სა და Daimler-ს.
ოქტომბერში მასკმა საბოლოოდ დახურა 44-მილარდიანი გარიგება სოციალური ქსელ Twitter-ის შესაძენად. ის აცხადებდა, რომ მოახდენდა ქსელის სარედაქციო პოლიტიკის ლიბერალიზაციას, რომელსაც აკრიტიკებდნენ მკაცრი ცენზურის გამო, და შექმნიდა კონტენტის მიდერაცის საბჭოს, ხოლო საბჭოს ამოქმედებამდე არ მიიღებდა რაიმე გლობალურ გადაწყვეტილებას სარედაქციო პოლიტიკისა და დაბლოკილი აკაუნტების აღდგენის შესახებ.
მასკი ასევე ვარაუდობდა, რომ სოციალური ქსელი უახლოეს პერიოდში „ბევრ სისულელეს ჩაიდენს“. კომპანიაში გეგმავენ „შეინარჩუნონ ის, რაც მუშაობს, და შეცვალონ ის, რაც არ მუშაობს“.
წყარო - Bloomberg