თბილისი, 29 დეკემბერი – Sputnik. საახალწლო ღონისძიებების გამო მეტეხის ხიდზე 30 დეკემბრის 24:00 საათიდან 4 იანვრის 24:00 საათამდე პერიოდში სატრანსპორტო საშუალებების გადაადგილება სრულად შეიზღუდება, იუწყება თბილისის მერია.
უწყების ცნობით, შეზღუდვა გორგასლის მოედნიდან მეტეხის ხიდისა და მეტეხის აღმართის მიმართულებით, ასევე მეტეხის აღმართიდან ევროპის მოედნის მიმართულებით იმოქმედებს.
„შეზღუდვა მტკვრის მარცხენა სანაპიროზე არსებული გვირაბიდან ევროპის მოედნის მიმართულებით და ევროპის მოედნიდან ღვინის აღმართის მიმართულებით მოძრავ სატრანსპორტო საშუალებებსაც შეეხება. ავტომობილები გადაადგილებას შეძლებენ ვახტანგ გორგასალის ქუჩიდან გორგასლის მოედნისა და კოტე აფხაზის ქუჩის მიმართულებით. ასევე თუმანიანის ქუჩიდან გორგასლის ქუჩის მიმართულებით“, – ნათქვამია განცხადებაში.
დაგეგმილი ღონისძიებებიდან გამომდინარე, იცვლება საზოგადოებრივი ტრანსპორტის გადაადგილების სქემაც:
ვახტანგ გორგასლის ქუჩიდან, მეტეხის ხიდის ნაცვლად, ავტობუსები: N301, N331, N344, N345, N350, N371 და მიკროავტობუსები - N538, N547, N550, N580 გადაადგილებას შეძლებენ კოტე აფხაზის ქუჩის მიმართულებით. ხოლო თავისუფლების მოედნიდან მოძრაობას დადგენილი სქემით განაგრძობენ.
ავტობუსებისა და მიკროავტობუსების გადაადგილების შესახებ ინფორმაცია იხილეთ ბმულზე>>>