რა სურს ცოლს მეუღლისგან - ის, რაც მამაკაცმა ქალისთვის უნდა გააკეთოს

ის, რაც ქალმა მამაკაცისგან უნდა მიიღოს:

თუნდაც ფიქრობდე, რომ შენი ცოლი ზეციური საჩუქარია, უნდა იცოდე, რომ ის იდეალური არ არის. ის ჩვეულებრივი ადამიანია თავისი კომპლექსებითა და ნაკლოვანებებით. მას სჭირდება, რომ მისცე საშუალება – ამაზე ისაუბროს; მას სჭირდება – იყო მომთმენი, გესმოდეს, რომ ისიც სწავლობს, რომ მისი სისუსტეები ნაწილობრივ იმის მიზეზია, თუ რატომ შეგიყვარდა.

თუ ის თავის სისუსტეებს გიჩვენებს, შეიყვარე ის უფრო მეტად.

გეჭიროს მისი ხელები. გრძნობა, რომ ის შენს მოყვარულ ხელებშია, მის მრავალ მოთხოვნას აკმაყოფილებს. ის გრძნობს დაცულობას, სიყვარულს, სურვილს. ეს მას იმაზე მეტად სჭირდება, ვიდრე შენ შეგიძლია წარმოიდგინო.

კოცნა, ინტიმი — რა თქმა უნდა, მნიშვნელოვანია, მაგრამ შენ გვერდით ყოფნის შეგრძნება — ყველაზე მეტად მნიშვნელოვანი.

მას სჭირდება, რომ ის მთელ მსოფლიოში ყველაზე ლამაზად მიგაჩნდეს. ესაა შენი ქათინაურები — როდესაც მაკიაჟი გაიკეთა, გამოიპრანჭა, ან როცა გაიღვიძა. ესაა მისი კოცნა და ხალხში მისი ხელის ჩაჭიდება, შენი მზერის დაჭერა; ესაა ფლირტი მასთან.

ძალზე მნიშვნელოვანია შენი სამუშაო, შვილები, მაგრამ შენი ცოლი უნდა იყოს ნომერი პირველი. მან თავი უსაფრთხოდ უნდა იგრძნოს თქვენს ურთიერთობებში. როდესაც მას შენს ცხოვრებაში პირველ ადგილზე აყენებ, მას შეუძლია შენი იმედი ჰქონდეს სამუდამოდ.

რამდენი საქმე აქვს შენს ცოლს — სახლი, ბავშვები, ზოგი ასევე მუშაობს. მას შეუძლია ამას გაუმკლავდეს, მაგრამ ხანდახან ემოციები ავსებს. შეიძლება არ გითხრას, რომ დახმარება სჭირდება, რადგან სურს იცოდე, რომ ყველაფერი შეუძლია; ხოლო როდესაც თხოვნის გარეშე ეხმარები, ის გრძნობს შენ სიყვარულს და აცნობიერებს, რომ მარტო არ არის.