იოდი ძირითადად გამოიყენება ჭრილობების, ნაკაწრების, ანთების, დაზიანებების, ორგანიზმში იოდის ნაკლებობის დროს.
რატომ მაინცდამაინც ბადე?
იოდის ბადე ბაქტერიებს ერთმანეთისგან აცალკევებს და ასეთ მდგომარეობაში ისინი უფრო სწრაფად იხოცებიან.
იოდი არა მარტო ხოცავს ბაქტერიებს, არამედ ის ჩვენი ორგანიზმისთვის აუცილებელ ელემენტს წარმოადგენს — თუნდაც მიკროსკოპული დოზით. ის პირდაპირ აგებს პასუხს ჩვენი ფარისებრი ჯირკვლის მუშაობაზე. იოდი საკმარისი რაოდენობით უნდა იყოს ორსული ქალის ორგანიზმში, რათა ბავშვი ნორმალურად განვითარდეს.
იოდის ბადე ორგანიზმში იოდის დონის იდენტიფიცირების საშუალებას იძლევა. ამისთვის ჩაატარეთ ცდა: გაიკეთეთ იოდის ბადე ფეხის შიდა მხარეს, შემდეგ დააკვირდით: თუ ორგანიზმმა ბადე 4 საათზე ნაკლებ დროში შეიწოვა, ეს ნიშნავს, რომ სერიოზული პრობლემა გაქვთ; თუ ამას ხუთი და მეტი საათი მოუნდა, ორგანიზმს იოდის უკმარისობა მაინც აქვს და მისი კომპენსირებაა საჭირო.
იოდის მიღება საკვების მეშვეობით შეიძლება. მას შეიცავს ზღვის კომბოსტო, იოდირებული მარილი, თევზის ცხიმი და, ზოგადად, ზღვის პროდუქტები, ასევე კომბოსტო, ბანანი, ლიმონი, ყურძენი, ტკბილი წიწაკა.
თუ ბადე 24 საათი არ შეიწოვება, ე.ი. იოდის ნორმალური შემცველობა გაქვთ.
იოდის ბადე ასევე შველის ხველებას, მაგრამ იოდით მკურნალობა მაშინ შეიძლება, თუ სხეულის ტემპერატურა 38 გრადუსს არ აღემატება. ბადე პირდაპირ ყელზე ან მკერდზე გაიკეთეთ, თუმცა, უცბად არა — შეამოწმეთ, რომ კანზე რაიმე ალერგიული რეაქცია არ გაჩნდეს (დაელოდეთ დაახლოებით 10-15 წუთი).
იოდის ბადე ეხმარება სურდოსაც — ცხვირზე წვრილი ბადე გაიკეთეთ.
გაციებისას ასევე შველის ბადის გაკეთება ფეხის კანჭსა და ტერფზე. გაფრთხილდით — იოდმა შეიძლება კანი დაწვას.
დაზიანებისას იოდის ბადე მაშინვე არ უნდა გაიკეთოთ – დაზიანებულ ადგილზე კომპრესის დადებიდან მხოლოდ 24 საათის შემდეგ; როდესაც შეშუპება დაცხრება, მაშინ შეგიძლიათ გაიკეთოთ იოდის ბადე.
იოდის ბადე ფართოდ გამოიყენება კისრის, ბეჭების, წელის ტკივილისას.
ამგვარად, იოდის ბადე მრავალი მიზნით შეიძლება გამოვიყენოთ, თანაც, ეს ძალიან იაფი და მოსახერხებელია.