თბილისი, 14 ოქტომბერი – Sputnik. სენაკი–ფოთი–სარფის გზატკეცილის ჩაქვი–მახინჯაურის გვირაბში პროფილაქტიკური სამუშაოების გამო საავტომობილო მოძრაობა რამდენიმე დღით ნაწილობრივ გადაიკეტება, იუწყება საავტომობილო გზების დეპარტამენტი.
კერძოდ, 17 ოქტომბრის 00:00 სთ-დან 19 ოქტომბრის 00:00 სთ-მდე აიკრძალება ყველა სახის ავტოტრანსპორტის მოძრაობა ქობულეთიდან ბათუმის მიმართულებით, ხოლო 20 ოქტომბრის 00:00 სთ-დან 22 ოქტომბრის 00:00 სთ-მდე – ბათუმიდან ქობულეთის მიმართულებით გვირაბის გავლით.
ტრანსპორტი ამ პერიოდში იმოძრავებს ორმხრივ რეჟიმში მეორე გვირაბის გავლით.
სამუშაოების დამთავრების შემდეგ ორივე გვირაბი ჩვეულ რეჟიმში განაგრძობს მუშაობას.