თბილისი, 5 ოქტომბერი — Sputnik. „არაგვის სათავგადასავლო ფესტივალი" (Aragvi Adventure Festival) ფშავში 8 ოქტომბერს გაიმართება, იუწყებიან ორგანიზატორები.
ღონისძიების მიზანია შექმნას სივრცე სწავლის, განათლების, ახალგაზრდული მუშაობის, ეკოაქტივიზმისა და აქტიური ცხოვრების წესის შესახებ იდეების გაცვლისთვის.
ფესტივალი გაიმართება „არაგვის სათავგადასავლო ცენტრის" ბანაკში ახალგაზრდა მუშაკების, მასწავლებლების, ბუნების მოყვარულების, ეკოაქტივისტების და აქტიური ცხოვრების წესით დაინტერესებული სხვა პირების მონაწილეობით.
ფესტივალის მონაწილეებს ელოდებათ: საგანმანათლებლო სემინარები, ვორქშოპები, თემატური დისკუსიები, თამაშები, სხვადასხვა სათავგადასავლო აქტივობები: ჯომარდობა, ველოსიპედი, zipline და ა.შ. ინტერკულტურული აქტივობები, საკვები და ხელნაკეთობები; ცოცხალი მუსიკა; გემრიელი და ჯანსაღი ადგილობრივი საკვები და სასმელები და სხვ.
ორგანიზატორები უზრუნველყოფენ ტრანსპორტს თბილისიდან ბანაკამდე. მონაწილეობის მისაღებად აუცილებელია დარეგისტრირება ონლაინ.