თბილისი, 22 სექტემბერი — Sputnik. კორონავირუსის პანდემიის საკითხი, მისი შედეგები და მოლოდინები განიხილა საქართველოს ჯანდაცვის მინისტრმა ზურაბ აზარაშვილმა ჯანმრთელობის მსოფლიო ორგანიზაციის (WHO) ხელმძღვანელ ტედროს ადანომ გებრეისუსთან გამართულ შეხვედრაზე.
საქართველოს ჯანდაცვის მინისტრი ოფიციალური ვიზიტით აშშ-ში იმყოფება. აზარაშვილმა მონაწილეობა მიიღო საყოველთაო ჯანმრთელობისა და გლობალური ჯანმრთელობის მეგობართა ჯგუფის მესამე ყოველწლიურ მინისტერიალში.
საქართველოს ჯანდაცვის მინისტრმა ჯანმოს ხელმძღვანელთან შეხვედრა გამართა
© Ministry of Refugees, Labor, Health and Social Affairs of Georgia
ვიზიტის ფარგლებში აზარაშვილმა ჯანმრთელობის მსოფლიო ორგანიზაციის ხელმძღვანელთან ტედროს ადანომ გებრეისუსთან და ტაილანდის ვიცე-პრემიერთან და საგარეო საქმეთა მინისტრთან დონ პრამუდვინაისთან სამმხრივი შეხვედრა გამართა.
როგორც ჯანმოს ხელმძღვანელთან შეხვედრაზე აზარაშვილმა აღნიშნა, გარკვეული პერიოდის განმავლობაში კორონავირუსმა მნიშვნელოვანი რეგრესი განიცადა, ენდემურ ვირუსად იქცა და ის დარჩება პოპულაციაში ისევე, როგორც სეზონური გრიპი.