საქართველოს მუზეუმების სამი საუკეთესო თანამშრომელი დააჯილდოვეს

თბილისი, 13 სექტემბერი — Sputnik. თბილისში ახალდაფუძნებულმა არასამთავრობო ორგანიზაცია „საქართველოს მუზეუმელთა ალიანსმა“ პირველი ყრილობა გამართა, სადაც მუზეუმის სამი საუკეთესო თანამშრომელი გამოვლინდა.

ღონისძიებას საქართველოს კულტურის, სპორტისა და ახალგაზრდობის მინისტრი თეა წულუკიანი, საქართველოს ხელოვნების სასახლის დირექტორი გიორგი კალანდია, გიორგი ჩიტაიას სახელობის ეთნოგრაფიული მუზეუმის დირექტორი ნინო ჭიპაშვილი და საქართველოს ეროვნული მუზეუმის დირექტორის პირველი მოადგილე ნიკა ახალბედაშვილი ესწრებოდნენ.

ღონისძიებაზე იმყოფებოდა ასევე საქართველოს 70 მუზეუმის 400-ზე მეტი თანამშრომელი – როგორც კულტურის სამინისტროს მმართველობის სფეროში მოქმედი, ისე რეგიონული და კერძო მუზეუმებიდან.

ასამბლეაზე, ქართულ სამუზეუმო ისტორიაში პირველად, საზეიმოდ გამოვლინდა სამი საუკეთესო თანამშრომელი, რომელთაც კულტურის სამინისტრომ წელს დაფუძნებული ჯილდო გადასცა:

გარდა „საუკეთესო მუზეუმელის" ტიტულისა, აღნიშნულ პირებს ფულადი ჯილდოებიც გადაეცემათ.

დელეგატებმა კულტურის მინისტრ თეა წულუკიანთან ერთად ისაუბრეს დარგში მიმდინარე პროცესების, წარმატებებისა და გამოწვევების, სამინისტროს ხედვისა და ინიციატივების შესახებ. ასამბლეაზე შეჯამდა განხორციელებული რეფორმები, პროექტები და სამუზეუმო სფეროს მეტი წარმატებისთვის სამომავლო გეგმებიც დაისახა.