თბილისი, 12 სექტემბერი — Sputnik. სინოპტიკოსები ხვალიდან, 13 სექტემბრიდან საქართველოში ამინდის გაუარესებას პროგნოზირებენ.
როგორც გარემოს ეროვნული სააგენტოს მიერ გავრცელებულ განცხადებაშია აღნიშნული, 13 სექტემბერს დასავლეთ საქართველოში, ხოლო 14 სექტემბერს საქართველოს ტერიტორიის უმეტეს ნაწილზე მოსალოდნელია დროგამოშვებით წვიმა და ელჭექი, ზოგან ძლიერი, შესაძლებელია სეტყვა, ქარის გაძლიერება.
გარდა ამისა, ზღვაზე მოსალოდნელია 2-3 ბალიანი ღელვა.
სინოპტიკოსები თბილისში 13 სექტემბერს 29, ხოლო 14 სექტემბერს 25 გრადუს სითბოს პროგნოზირებენ. მოსალოდნელია ქარი – 14 სექტემბერს მისი სიჩქარე 17-22 მ/წმ იქნება.