თბილისი, 11 სექტემბერი - Sputnik. საქართველოს სხვადასხვა ქალაქში კვების ობიექტები დააჯარიმეს და დახურეს, იუწყება ტელეკომპანია „რუსთავი2“.
გავრცელებული ინფორმაციით, აღნიშნული კვების ობიექტები ჰიგიენურ და საწარმოო ნორმებს არ იცავდნენ.
„შემოწმებული 16 ობიექტიდან 12 დაჯარიმდა, აქედან შვიდს შეუჩერდა საწარმოო პროცესი“, - განაცხადა სურსათის ეროვნული სააგენტოს უფროსის მოადგილემ, ვასილ ბასილაძემ.
ბასილაძის განმარტებით, ძირითადად გამოვლინდა, როგორც სანიტარულ-ჰიგიენური ნორმების დარღვევა, ასევე ვადაგასული სურსათის რეალიზაცია და სასაკლაოს გვერდის ავლით დაკლული ცხოველის ხორცის მოხმარება.
წყარო - ტელეკომპანია „რუსთავი2“.