ტბაზე ლაშქრობისას ორი დღის სავალი გზაა
პირველ დღეს ტურისტულ სადგურამდე მიდიან
მდინარის გადაკვეთის შემდეგ კი ბილიკი ტყეში შედის
მომზადებულ ტურისტებს დაახლოებით ექვსი საათი სჭირდებათ გზაში
პირველ სადგურამდე დაახლოებით 13 კილომეტრია. ღამის გათევა სწორედ აქ ჯობს, რადგან ტყეში გარეული ცხოველები ბინადრობენ
საკუთარი კარვით გაჩერების ფასი 5 ლარია, კოტეჯში ღამის გათევა – 20 ლარი
დილით კი ასეთი პეიზაჟის ხილვაა შესაძლებელი
გიდები ტურისტებს მეტი კომფორტისთვის ცხენებით გაცილებას სთავაზობენ
გზა პირველი სადგურიდან ტბამდე 12 კილომეტრია, ამიტომ გასვლა დილიდანვე ჯობს, რათა გზაში არ დაბნელდეს
თავიდან ბილიკი ტყეს მიუყვება, თუმცა შემდეგ ტყე მთავრდება
ხეებზე ლურჯი და თეთრი ნიშნულებია, რათა ტურისტები არ დაიკარგონ
მთებიდან ულამაზესი ხედი იშლება ალაზნის ველზე. ტბიდან 4 კილომეტრში სასაზღვრო კოტროლის გავლაა საჭირო. შესაბამისი საბუთები ნაკრძალის შესასვლელში გაიცემა
მესაზღვრეები ამოწმებენ მოგზაურებს, რადგან ეს სასაზღვრო ზონაა - ტბა საქართველო-რუსეთის საზღვარზე მდებარეობს. ტბის ერთი ნაწილი საქართველოს ეკუთვნის, მეორე - დაღესტანს
კონტროლის გავლის შემდეგ ტბისკენ მიმავალი გზა მთაში გრძელდება. ტბასთან კარვის გაშლა არ ღირს, უმჯობესია მეორე ტურისტულ სადგურამდე მისვლა
ღამით აქ ძალიან ცივა, ცეცხლის დანთება კი ყველგან არ შეიძლება. ამისათვის მომზადებაა საჭირო
მოგზაურობის ბოლო წერტილი შავი კლდეების ტბაა, იგივე გრძელი ტბა. ცურვა აკრძალული არ არის, თუმცა წყალი ყინულივით ცივია
ტბისკენ მიმავალ გზაზე შეიძლება შემოგხვდეთ გარეული ცხოველები, გველები, ასევე მწერები. ბილიკი კი ზოგჯერ ძალიან ვიწროვდება და რთულად გასავლელი ხდება, ამიტომ აქ მუდმივი ყურადღებაა საჭირო
ასეთ ლაშქრობას კარგი მომზადება სჭირდება. ტერიტორიაზე მორიგეობენ რეინჯერები, რომლებიც მუდამ მზად არიან დახმარება გაუწიონ მოგზაურებს