თბილისი, 29 აგვისტო — Sputnik. საქართველოს 16 წლამდე წყალბურთელთა ნაკრებმა საბერძნეთში გამართულ მსოფლიო ჩემპიონატზე ვერცხლის დივიზიონში (Silver Div Gold) პირველი ადგილი დაიკავა.
ქართველმა წყალბურთელებმა ცხრა მატჩიდან შვიდი მოიგეს. გუნდმა პოლონეთს, შვეიცარიას, ლატვიას და აზერბაიჯანს აჯობა, ნახევარფინალში კი უკრაინა ანგარიშით 8:6 დაამარცხა.
ტურნირის გადამწყვეტ, ფინალურ შეხვედრაში საქართველოს ნაკრებმა პოლონეთი დაძაბულ ბრძოლაში მინიმალური სხვაობით 11:10 დაამარცხა.