მსახიობებმა ჯენიფერ ლოპესმა და ბენ აფლეკმა საოცნებო ქორწილში 135 სტუმრის წინაშე შეჰფიცეს ერთმანეთს მარადიული სიყვარული. თუმცა, მოგეხსენებათ, მათი სიყვარულის ბედნიერ დასასრულს წინ დიდი ქარტეხილები უძღოდა. სწორედ მათზეა ნათქვამი – „ჯერ დაიხოცნენ, მერე იქორწინეს“.
„ბენმა მიზეზი დაასახელა, თუ რატომ არ შედგა მათი ურთიერთობა 2001 წელს და რატომ დაშორდნენ ისინი ერთმანეთს. მისი აზრით, ეს იმიტომ მოხდა, რომ ორივეს თავისი საკუთარი შვილები უნდა ჰყოლოდათ. მათი კავშირი ქორწინებით რომ დასრულებულიყო, მათ არ ეყოლებოდათ ის შვილები, რომლებიც ახლა ჰყავთ“, – ასე გადმოსცა ინსაიდერმა ბენის ემოციური სიტყვები და დასძინა, რომ აფლეკი, რომელსაც ჯენიფერ გარნერთან სამი შვილი ჰყავს, გიჟდება მათზე და მათ ცხოვრების უმთავრეს საჩუქრად თვლის.