ინდოეთის ელჩმა საქართველოში მყინვარწვერი დაიპყრო

ინდოეთის დიპლომატიური კორპუსის წარმომადგენლებმა მთის მწვერვალზე ინდოეთის დროშა ააფრიალეს.
Sputnik
თბილისი, 22 აგვისტო – Sputnik. საქართველოში ინდოეთის საგანგებო და სრულუფლებიანი ელჩი კაშან დენ დიუალი და საელჩოს მეორე მდივანი ტეჯას პაგარი ყაზბეგის მწვერვალზე, მყინვარწვერზე ავიდნენ, იუწყება ინდოეთის საელჩო საქართველოსა და სომხეთში.
დიპლომატიური კორპუსის წარმომადგენლებმა ყაზბეგის მწვერვალზე ინდოეთის დროშა ააფრიალეს.

„ყაზბეგზე ასვლა იმ ღონისძიებების სერიის გაგრძელებაა, რომელიც საელჩომ ინდოეთის დამოუკიდებლობის 75 წლისთავის ფარგლებში მოაწყო“, – ნათქვამია საელჩოს განცხადებაში.

უფრო ადრე ინდოეთის დამოუკიდებლობის დღესთან დაკავშირებით დიპლომატებმა თავიანთი ქვეყნის სამფერიანი დროშა სომხეთის მთის მასივის უმაღლეს მწვერვალზე – არაგაწზე ააფრიალეს.