ცოტა ხნის წინ მსახიობმა ეშტონ კატჩერმა ერთ-ერთ ინტერვიუში იმ იშვიათი ავტოიმუნური დაავადების შესახებ ისაუბრა, რომელმაც მხედველობა, სმენა და სიარულის უნარი თითქმის წაართვა. ინფორმაციას Guardian-ი ავრცელებს.
„ორი წლის წინ მქონდა ვასკულიტის ეს უცნაური, ძალიან იშვიათი ფორმა, რომელმაც მხედველობა და სმენა დამიქვეითა", – ამბობს მსახიობი.
ვასკულიტი იშვიათი ავტოიმუნური დაავადებაა, რამაც შეიძლება გამოიწვიოს სისხლძარღვების ანთება. სისხლის ნაკადის შეზღუდვა ზოგიერთ შემთხვევაში იწვევს ორგანოებისა და ქსოვილების დაზიანებას.
„ვერ აცნობიერებ რა ბედნიერი ხარ, როცა ხედავ, გესმის და უპრობლემოდ მოძრაობ მანამ, სანამ ერთ დღეს ეს ყველაფერი სანატრელი არ გახდება და არ იტყვი: არ ვიცი ოდესმე შევძლებ თუ არა ისევ დანახვას, არ ვიცი ოდესმე შევძლებ თუ არა ისევ მოსმენას, არ ვიცი შევძლებ თუ არა ოდესმე ისევ გავლას. გამიმართლა, რომ ცოცხალი ვარ", – აღნიშნა მსახიობმა.