თბილისი, 1 აგვისტო – Sputnik. რუთაველის გამზირზე, მეცნიერებათა აკადემიის მიმდებარე ტერიტორიაზე მდებარე საცხოვრებელ კორპუსში ხანძარი გაჩნდა, იუწყება ტელეკომპანია „რუსთავი2“.
გავრცელებული ინფორმაციით, ხანძარი საცხოვრებელი სახლის მეოთხე სართულზე მდებარე ერთ-ერთ ბინაში გაჩნდა.
შემთხვევის დროს სახლში ორი ადამიანი იმყოფებოდა. ორივე მათგანმა ხანძრის შედეგად მცირე დაზიანებები მიიღო.
საგანგებო სიტუაციების მართვის სამსახურის ინფორმაციით, ამ დროისათვის ცეცხლი ლიკვიდირებულია.