თბილისი, 31 ივლისი – Sputnik. ცნობილი მომღერალი მამუკა ონაშვილი ავარიაში მოყვა და მძიმედ დაშავდა, იუწყება ტელეკომპანია „იმედი“.
ავტოსაგზაო შემთხვევა, რომლის შედეგადაც მამუკა ონაშვილი დაშავდა, წუხელ ნატახტართან მოხდა.
მომღერალს ჩაუტარდა ქირურგიული ოპერაცია და მკურნალობას საუნივერსიტეტო კლინიკის რეანიმაციულ განყოფილებაში აგრძელებს. მისი მდგომარეობა მძიმეა, ის მართვით სუნთქვაზე იმყოფება.
ნატახტართან ერთმანეთს ორი ავტომობილი შეეჯახა. დაღუპულია ერთი და დაშავებულია კიდევ ორი ადამიანი.
მომხდარზე გამოძიება 276-ე მუხლით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.