თბილისი, 30 ივლისი – Sputnik. რუსულმა „გაზპრომმა“ შაბათს ლატვიას ბუნებრივი აირის მიწოდება ივლისის განაცხადის ფარგლებში გაზის შერჩევის პირობების დარღვევასთან დაკავშირებით შეუწყვიტა, იუწყება РИА Новости.
„დღეს „გაზპრომმა“, ივლისის განაცხადის ფარგლებში გაზის შერჩევის პირობების დარღვევასთან დაკავშირებით, ლატვიას გაზის მიწოდება შეუწყვიტა“, – ნათქვამია კომპანიის Telegram–არხზე განთავსებულ განცხადებაში.
რუსულმა ჰოლდინგმა გაზის მიწოდება 27 აპრილს შეუწყვიტა „ბულგარგაზს“ (ბულგარეთი) და PGNIG–ს (პოლონეთი).
„გაზპრომმა“ პარტნიორებს შეახსენა, რომ არამეგობრულმა ქვეყნებმა 1 აპრილიდან გაზის მიწოდება რუბლებში უნდა გადაიხადონ.