თბილისი, 18 ივლისი – Sputnik. საბერძნეთის ქალაქ სალონიკში 34 წლის ქართველი მამაკაცი დააკავეს. ინფორმაციას ტელეკომპანია „რუსთავი 2“ ავრცელებს ბერძნულ მედიაზე დაყრდნობით.
ადგილობრივი მედიის ინფორმაციით, მამაკაცი სალონიკში მდებარე ერთ-ერთ აფთიაქში შეიჭრა, ფარმაცევტს თანხა წაართვა და შემთხვევის ადგილიდან მიიმალა.
ადგილობრივმა პოლიციამ დამნაშავე მომხდარიდან მალევე დააკავა.
როგორც საგამოძიებო მასალებიდან ირკვევა, მამაკაცს ანალოგიური დანაშაული არაერთხელ აქვს ჩადენილი. ბოლო რვა თვის განმავლობაში ის მიმდებარე ტერიტორიაზე სამ სხვადასხვა მაღაზიაში შეიჭრა, საიდანაც ფული და პროდუქტები გაიტაცა.