მაღალმთიან რაჭაში დაზიანებული გზის აღდგენა მიმდინარეობს

თბილისი, 15 ივლისი — Sputnik. ქართველი სპეციალისტები ონის რაიონში გზას აღადგენენ, იუწყება საქართველოს საავტომობილო გზების დეპარტამენტი.

კერძოდ, სამუშაოები საგლოლო–ჭიორა–ღების გზის 1-12 კმ მონაკვეთზე მიმდინარეობს, რომელიც ძლიერი წვიმების შედეგად დაზიანდა.

სპეციალისტები ამ ეტაპზე დაზიანებულ მონაკვეთებზე ასფალტ-ბეტონის საფარის ქვედა ფენას აგებენ.

სამუშაოები სახელმწიფო ბიუჯეტიდან ფინანსდება, რომლის ღირებულებაც 11,7 მლნ ლარს შეადგენს.

სამუშაოების დასრულება მიმდინარე წლის ბოლოს იგეგმება.