დღეს 2022 წლის 1 ივლისია, პარასკევი. მზარდი მთვარე ლომის ნიშანშია. ამ დღესპლანეტა ვენერამფარველობს.
მიაქციეთ ყურადღება თქვენთვის ძვირფას ადამიანებს. ეს მნიშვნელოვანი იქნება თქვენი ურთიერთობებისთვის. შეგიძლიათ ახლობლებთან ერთად საერთო გეგმები დააწყოთ. დღის მეორე ნახევარი უფრო მიესადაგება შემოქმედებით საქმიანობას.
ვერძი: არაა გამორიცხული, რომ რაღაც საქმეები ხელახლა გააკეთოთ. შემოქმედებითი ვერძებისთვის ეს უფრო საინტერესო პროცესი იქნება. სამსახურში რაც უფრო არაოფიციალური გარემო იქნება, მით უფრო სწრაფად გაუგებთ ერთმანეთს და მიიღებთ ყველასთვის მომგებიან გადაწყვეტილებას. საღამო პაემნისთვის შემოინახეთ.
კურო: თქვენი საქმეების წინსვლაზე შეიძლება თქვენმა გარეგნულმა მხარემ იმოქმედოს, ამიტომ ეცადეთ, კარგად გამოიყურებოდეთ. როგორ მოიქცეთ ამა თუ იმ სიტუაციაში, ამას ინტუიცია გიკარნახებთ. შესაძლოა, რაღაც საიდუმლო ინფორმაცია გაიგოთ. სახლში დაძაბული ატმოსფერო იქნება. მოგეჩვენებათ, რომ ახლობლები თქვენგან ბევრს მოითხოვენ.
ტყუპი: თქვენი მჭევრმეტყველება საქმიანობაში დაგეხმარებათ. ოპონენტის სიმპათიის მოსაპოვებლად შეგიძლიათ გონებასთან ერთად მომხიბვლელობაც ჩართოთ. თუ საზოგადოებრივი დავალება მოგცეს, უარი არ თქვათ – ეს აღიარებას მოგიტანთ. არაა გამორიცხული, რომ თქვენს საურთიერთობო წრეში ცნობილი ადამიანები გამოჩნდნენ.
კირჩხიბი: ხელსაყრელი დღეა ფინანსური საქმიანობისთვის სამსახურში, მაგრამ არა – სახლში. შესაძლებელია კამათი და ზეწოლა პარტნიორის მხრიდან, თქვენი შეხედულებები თანხის განკარგვაზე გაიყოფა. კარგი დღეა, რომ თქვენთვის რამე ლამაზი შეიძინოთ. ასევე მოსალოდნელია კარიერული წინსვლა, პრემია ან რამე სხვა თანხის მიღება.
ლომი: შესანიშნავი დღე გელოდებათ. შესაძლოა, პარტნიორმა საინტერესო წინადადება შემოგთავაზოთ. დიდი ხნის ურთიერთობები შეიძლება ეს უფრო სერიოზულ დონეზე გადავიდეს; მარტოხელებს კი ნაცნობობის დიდი შანსი აქვთ. შემოქმედებითი ადამიანების საქმიანობა დიდი შთაგონებით წარიმართება. სხვებიც, სჯობს, საქმეებს კრეატიულად მოეკიდონ.
ქალწული: კარგი დღეა ბანკთან ურთიერთობისთვის. ინტუიცია გიკარნახებთ, როგორ იმოქმედოთ ამა თუ იმ ვითარებაში. სამსახურში საკითხები მეგობრულად შეიძლება გადაწყდეს. ხელმძღვანელობას შეგიძლიათ სთხოვოთ დაწინაურება, დასვენების დღე. არის ალბათობა, რომ რამე სერიოზული და საიდუმლო დავალება მიიღოთ.
სასწორი: მზად ხართ თანამშრომლობისთვის. შესაძლოა, ფინანსური სახის წინადადებები მიიღოთ. მოსალოდნელია თანხის მიღება. მეგობრებთან ურთიერთობები სიხარულს მოგიტანთ. საყვარელ ადამიანს, სჯობს, სახლიდან შორს შეხვდეთ, ან ინტერნეტის მეშვეობით იურთიერთოთ. ვისაც ჰყავს პარტნიორი, მისგან სიურპრიზს ელოდეთ.
მორიელი: ხელსაყრელი დღეა ხელმძღვანელ პირებთან ურთიერთობისთვის. გაქვთ შანსი, რომ გაწეული მუშაობისთვის ჯილდო მიიღოთ; თქვენთვის შეიძლება ძალზე კარგი პერსპექტივები გაიხსნას. სასიყვარულო საკითხებში ცვლილებებია მოსალოდნელი. იქნებ, დროა, ურთიერთობები უფრო სერიოზულ დონეზე უნდა გადავიდეს?
მშვილდოსანი: შესანიშნავი დღეა. ირგვლივ მყოფებს სიყვარულს უწილადებთ და მათგანაც იმავეს მიიღებთ. განწყობა არაჩვეულებრივი გექნებათ. ადამიანებს თქვენი ქარიზმით მიიზიდავთ. საქმიანობის მხრივ პარტნიორთან ურთიერთმომგებიანი თანამშრომლობაა მოსალოდნელი. ასევე კარგად იქნება ყველაფერი პირად ცხოვრებაშიც.
თხის რქა: აქტიური მოქმედებებისთვის არცთუ ხელსაყრელი დღეა. სჯობს, ყველაფერი აუჩქარებლად გააკეთოთ. მიხვდებით, რომ ზოგიერთი რამის გაკეთება საერთოდ არ არის საჭირო. აქედან გამომდინარე, ზედმეტი აქტიურობა არაფერს გარგებთ. სახლში ჰარმონიული ატმოსფერო, ურთიერთობებში პოზიტიური ცვლილებები გელოდებათ.
მერწყული: კარგი დღეა საქმეებში აქტიურობისთვის. ბევრი რამის გაკეთება შეგიძლიათ, რაც მომავალში თქვენს კარიერაზე დადებითად აისახება. კარგად ჩაივლის საკითხების განხილვა, შეთანხმებების დადება. ასევე დადებითი დღეა სასიყვარულო ურთიერთობების კუთხით. შეგიძლიათ საყვარელი ადამიანი საჩუქრებით გაანებივროთ.
თევზები: ხელსაყრელი დღეა იმისთვის, რომ იყიდოთ რამე თქვენი ჯანმრთელობისთვის, მაგალითად, ტრენაჟორი. თქვენი საფულე დღეს შეიძლება „გასქელდეს“, და ეს თქვენი დამსახურება იქნება. ბევრი სამუშაო გექნებათ ფინანსურ დოკუმენტებთან. სახლში მეგობრული ატმოსფერო დაისადგურებს. ახლობლებთან შესანიშნავად გაატარებთ დროს.