„მნიშვნელოვანი ეტაპი იყო არასამთავრობო ორგანიზაციის დაფუძნება, რომელიც მიუსაფარ ბავშვთა სახლების კურსდამთავრებულებს ეხმარებოდა: ტრენინგებს უტარებდა და პრაქტიკულ ცოდნას აძლევდა. ამის შემდეგ მსოფლიო ბანკში გადავედი, სადაც სამი წელი ვმუშაობდი, იქიდან კი „ინოვაციების და ტექნოლოგიების სააგენტოში” მიმიწვიეს. ოთხი ენა ვიცი: ინგლისური, გერმანული, თურქული და რუსული, ფრანგულის შესწავლაც დავიწყე“, – ამბობს დეპუტატი.
„ერთ უბანში გავიზარდეთ. პატარაობიდანვე ვმეგობრობდით და ვიღაცებს ვურიგებდი კიდეც. ერთხელ ხუმრობით მითხრა, ასეთ მეგობარს ცოლადაც სიამოვნებით მოვიყვანდიო. ცოტა ხანში ეს ხუმრობა სინამდვილედ იქცა. ოჯახი გააზრებულად, ზრდასრულ ასაკში შევქმენით“, – უამბობს ჟურნალ „გზას” დეპუტატი.