თბილისი, 23 ივნისი – Sputnik. ზაქარია ფალიაშვილის სახელობის „ნიჭიერთა ათწლედის“ მოსწავლეთა კონცერტი თბილისის სიმფონიურ ორკესტრთან ერთად 23 ივნისს ჯანსუღ კახიძის სახელობის მუსიკალურ-კულტურულ ცენტრში გაიმართება.
კონცერტზე დირიჟორი იქნება დავით მუქერია. მასში მონაწილეობას მიიღებენ „ნიჭიერთა ათწლედის“ გამორჩეული მოსწავლეები – გაბრიელ ბერიძე, ანა ბერიაშვილი, მარიამ ჩახვაძე და სხვ.
კონცერტზე აჟღერდება ვიეტანის, შოსონის, შუმანის, რახმანინოვის, ლისტის ნაწარმოებები.
კონცერტი 19:30 საათზე დაიწყება.