თბილისი, 7 ივნისი – Sputnik. საქართველოს განათლების სამინისტრომ ერთიანი ეროვნული გამოცდების ფარგლებში შერჩევითი საგნების სიის გაფართოების გადაწყვეტილება მიიღო, განაცხადა მინისტრის მოადგილემ ნუნუ მიცკევიჩმა დღეს გამართულ ბრიფინგზე.
იმისთვის, რომ სტუდენტი გახდეს, აბიტურიენტმა უნდა ჩააბაროს სამი სავალდებულო გამოცდა – ქართული ენა და ლიტერატურა, უცხო ენა და ერთი არჩევითი საგანი – ლიტერატურა, მათემატიკა, ისტორია, გეოგრაფია, ქიმია, ფიზიკა, ბიოლოგია, სახვითი და გამოყენებითი ხელოვნება ან სამოქალაქო განათლება.
ცვლილების შემდეგ, მაგალითად, საბუნებისმეტყველო სპეციალობაზე მისაღები მესამე, სავალდებულო არჩევითი საგანი ამიერიდან შეიძლება იყოს არა მხოლოდ მათემატიკა ან ისტორია, არამედ ფიზიკა, ქიმია, ბიოლოგია ან გეოგრაფია.
„ზოგადი უნარების“ საგანს, რომელიც 2020 წლიდან სავალდებულო საგნების სიიდან ამოიღეს, აბიტურიენტები იმ შემთხვევაში ჩააბარებენ, თუ აღნიშნულ საგანს კონკრეტული უნივერსიტეტი მოითხოვს.
საქართველოში ერთიანი ეროვნული გამოცდები 4 ივლისს დაიწყება და 22 ივლისს დასრულდება.