თბილისი, 6 ივნისი – Sputnik. საქართველოში 6 ივნისის დღის ბოლოდან 11 ივნისამდე მოსალოდნელია დროგამოშვებით წვიმა და ელჭექი, იუწყება გარემოს ეროვნული სააგენტო.
სააგენტოს ინფორმაციით, ამ პერიოდში ასევე შესაძლებელია სეტყვა და დროგამოშვებით ძლიერი ქარი.
უწყების ცნობით, მოსალოდნელმა ნალექებმა შესაძლოა საქართველოს მდინარეებზე წყლის დონის მნიშვნელოვანი მატება, პატარა მდინარეებზე წყალმოვარდნები, ხოლო მთიან ზონებში მეწყრული პროცესების ჩასახვა-გააქტიურება გამოიწვიოს.