თბილისსა და ბათუმში მრავალათასიანი აქციები მიმდინარეობს

თბილისი, 18 მაისი – Sputnik. ოპოზიციური მედიის, საზოგადოების, ასევე პოლიტიკური პარტიების წარმომადგენლებმა ოპოზიციური ტელეკომპანია „მთავარი არხის“ დამფუძნებლის ნიკა გვარამიას სოლიდარობის ნიშნად თბილისისა და ბათუმის ცენტრში მსვლელობები მოაწყვეს.

მსვლელობის მონაწილეებმა ქალაქების ცენტრალური ქუჩები გადაკეტეს. ბათუმში მსვლელობა აჭარის ავტონომიური რესპუბლიკის მთავრობის შენობამდე უნდა გაგრძელდეს. თბილისში მსვლელობა დედაქალაქის მთავარ გამზირზე პარლამენტის შენობამდე გაივლის.

აქციის მონაწილეებს ხელში ეჭირათ ბანერები წარწერებით: „სოლიდარობა მთავარ არხს“, „არ დაგითმობთ მედიას“, „მედიასთან ბრძოლას აგებს ხელისუფლება“, „თავისუფლება ნიკას“.

ნიკა გვარამია ტელეკომპანია „რუსთავი 2“-სთვის 6,8 მილიონი ლარის ოდენობის ზიანის მიყენების საქმეზე სამსახურებრივი უფლებამოსილების გადამეტებაში დამნაშავედ ცნეს. მას 3 წლითა და 6 თვით თავისუფლების აღკვეთა შეეფარდა. ადვოკატები გადაწყვეტილების გასაჩივრებას სააპელაციო სასამართლოში გეგმავენ.