ლედი გაგას მეორე „ოსკარს'' უწინასწარმეტყველებენ - მომღერალმა საუნდტრეკი გამოუშვა

ლედი გაგამ ახალი სიმღერა გამოუშვა. Hold My Hand – ასე ჰქვია სინგლს, რომელიც ფილმის Top Gun: Maverick მთავარი საუნდტრეკია.

36 წლის არტისტმა ,,საუკეთესო მსროლელის” სიქუელის მუსიკალური თემის შექმნაშიც მიიღო მონაწილეობა და ისეთ კომპოზიტორებთან ითანამშრომლა, როგორებიც: ჰეროლდ ფალტერმეიერი, ჰანს ციმერი და ლორნე ბალფე არიან.

მუსიკის კრიტიკოსები უკვე ერთხმად თანხმდებიან, რომ ლედი გაგა მომავალ წელს ,,ოსკარის” ერთ-ერთი პრეტენდენტი იქნება. ლედი გაგას უკვე აქვს ,,ოქროს კაცი” მიღებული ,,საუკეთესო ორიგინალური სიმღერისთვის”.

აღსანიშნავია, რომ 1986 წლის შემდეგ, ფილმის – Top Gun გაგრძელება ეკრანებზე 27 მაისიდან გამოჩნდება. კინოსურათში მთავარ როლს, კვლავ ტომ კრუზი შეასრულებს.