თბილისი, 4 მაისი — Sputnik. გურჯაანის მუნიციპალიტეტში პურის საცხობში ახალგაზრდა მამაკაცი გარდაცვლილი იპოვეს.
შემთხვევა სოფელ ბაკურციხეში მოხდა.
35 წლამდე მამაკაცი, რომელიც აღნიშნულ საცხობში მუშაობდა, თანამშრომლებმა დღეს, დილით გარდაცვლილი იპოვეს.
ერთ-ერთი ვერსიით, მამაკაცი, სავარაუდოდ, ბუნებრივი აირის გაჟონვას ემსხვერპლა.
შემთხვევის ადგილზე საგამოძიებო მოქმედებები უკვე ჩატარდა.