თათია სულუაშვილი ქართულ ტელესივრცეში ერთ-ერთი გამორჩეული იუმორისტია. მიუხედავად იმისა, რომ თეატრალურ უნივერსიტეტში არ უსწავლია და პროფესიით სულაც ეკონომისტია, მის მიერ შესრულებულ როლებს უამრავი ადამიანი იწონებს. თათია როლებში ისე იჭრება, რომ ბევრს თათიას ბუნებრივი ხასიათი გმირის განწყობაში ეშლება.
სულუაშვილის კადრს მიღმა გადაღებული ვიდეოებიც კი დიდი პოპულარობით სარგებლობს. ცოტა ხნის წინ მსახიობმა სახალისო ვიდეო გამოაქვეყნა, სადაც ცეკვა-ცეკვით ამბობს, რომ 11 დღეში 4,8 კილოგრამი დაიკლო. როგორც ჩანს, მსახიობს ეს ძალიან ახარებს.
თათია სულუაშვილს დიდი ოჯახი ჰყავს. 11 წელია, რაც დაოჯახდა. მისი რჩეული ეკონომისტი ვასიკო შაბურიშვილია, რომელსაც ტელეეკრანებსა და ჟურნალებში გამოჩენა არ უყვარს. მეუღლესთან შედარებით ვასიკო საჯარო სივრცეებსა და კამერებს თავს არიდებს. ვასიკოს და თათიას ორი შვილი ჰყავთ, ქეთო და დათი შაბურიშვილები.