მას შემდეგ, რაც პრინც ჰარის და ჰერცოგინია მეგანს 2019 წლის მაისში პირველი შვილი არჩი შეეძინათ, ახალბედა მამამ საჯაროდ პირობა დადო, რომ მათ არ ეყოლებოდათ დიდი ოჯახი – გარემოს გადარჩენის მიზნით. „ორი მაქსიმუმ!” – პირობა დადო ჰარიმ კონსერვატორ დოქტორ ჯეინ გუდოლთან ბრიტანული Vogue-სთვის მიცემულ ინტერვიუში.
37 წლის ჰარი იმდენად კატეგორიული იყო ამ განცხადებაში, რომ სასახლის ზოგიერთმა ინსაიდერმა ეს მის ძმასა და რძალზე შესაძლო თავდასხმად მიიჩნია, რომლებსაც სწორედ იმ დროს შეეძინათ მესამე შვილი და ამბობდნენ, რომ განიხილებოდა მეოთხე შვილის გაჩენაც. თუმცა ახლა სასექსელებთან დაახლოებული წყაროები ვარაუდობენ, რომ წყვილი აზრს იცვლის და განიხილავს მესამე შვილის გაჩენის შესაძლებლობას. ინფორმაციას გამოცემა New Idea ავრცელებს.
„ჰარიმ და მეგანმა ბევრი იფიქრეს ამის შესახებ. ისინი გრძნობენ, რომ შეუძლიათ უფრო პოზიტიური წვლილი შეიტანონ სამყაროში ჭკვიანი, ინფორმირებული ბავშვების აღზრდით, რომლებიც ზრდასრულ ასაკშიც თავისნაირები იქნებიან. ისინი გრძნობენ, რომ ამ ფაქტის დადებითი მხარე აღემატება კლიმატის რისკებს“, – ამბობს წყარო.
წყაროების თქმით, დღის ბოლოს მეგანი და ჰარი შესანიშნავად გამოიყურებიან მშობლების როლში. „მეგანს ძალიან უყვარს ჰარის ყურება არჩისთან და ლილისთან ერთად. ჰარი მამადაა დაბადებული და, მიუხედავად ყველაფრისა, როცა შვილებთან ერთად არის, ყველაზე ბედნიერია, რაც კი ოდესმე ყოფილა“, – ასკვნის წყარო.
აღმოჩნდა, რომ მესამე შვილზე ფიქრი წყვილმა მას შემდეგ დაიწყო, რაც არჩი დაჟინებით ითხოვს ძმას, რათა მას ეთამაშოს.