თბილისი, 27 მარტი – Sputnik. ევროპაში რუსული გაზის სხვა მწარმოებლების გაზით ჩანაცვლება ერთ დღეში შეუძლებელი იქნება, ამას 5-7 წელი დასჭირდება, განაცხადა კატარის ენერგეტიკის სახელმწიფო მინისტრმა საად ალ-ქააბიმ.
დოჰაში საერთაშორისო კონფერენცია „დოჰას ფორუმზე“ გამოსვლისას მინისტრმა განაცხადა, რომ ევროპა კატარისთვის მნიშვნელოვან ბაზარს წარმოადგენს, მაგრამ ჯერჯერობით კატარის გაზის არსებული სიმძლავრე ვერ დააკმაყოფილებს ევროპულ მოთხოვნას.
მისი თქმით, უკრაინის კრიზისის დაწყებამდე კატარი ევროპისთვის 60 მილიონი ტონა თხევადი ბუნებრივი აირის მიწოდებას გეგმავდა, 2027 წლისთვის კი, სიმძლავრეების გაზრდის შემდეგ - წელიწადში 126 მილიონ ტონამდე.
ალ-ქაბიმ აღნიშნა, რომ ყატარი მზად არის მიიღოს მონაწილეობა ევროკავშირისთვის დამატებითი მოცულობების მიწოდებაში აშშ-ის თხოვნით, მაგრამ მისი თხევადი ბუნებრივი აირის ექსპორტის 80% ამ დროისთვის წარმოადგენს გრძელვადიან კონტრაქტებს ძირითადად აზიის ქვეყნებთან. აღნიშნული კონტრაქტები კი არ იძლევა სხვა მყიდველებისთვის მიწოდების გადამისამართების შესაძლებლობას.
მანამდე აშშ-ის ადმინისტრაციამ განაცხადა, რომ აშშ იმუშავებს პარტნიორებთან, რათა 2022 წელს უზრუნველყოს თხევადი ბუნებრივი აირის დამატებითი მიწოდება ევროპაში - მინიმუმ 15 მილიარდი კუბური მეტრი გაზი.
რუსეთის პრეზიდენტმა ვლადიმირ პუტინმა, დონეცკისა და ლუგანსკის მოთხოვნის პასუხად, ეღიარებინა მათი სუვერენიტეტი, 21 თებერვალს ხელი მოაწერა შესაბამის ბრძანებულებებს, ხოლო 24 თებერვალს „სპეციალური სამხედრო ოპერაცია“ დაიწყო „უკრაინის დემილიტარიზაციისა და დენაციფიკაციის“ მიზნით. ამის საპასუხოდ შეერთებულმა შტატებმა, ევროკავშირის ქვეყნებმა და რიგმა სხვა სახელმწიფოებმა სანქციების რამდენიმე პაკეტი დააწესეს რუსეთისა და უდიდესი რუსული ორგანიზაციების წინააღმდეგ.