ყოფილი ტელეწამყვანი და ახლა უკვე სამოქალაქო აქტივისტი ხატია სიჭინავა ამბობს, რომ მისი დიდი ტუჩები ბიოპოლიმერის დამსახურებაა, რომელიც 2015 წელს გაიკეთა. სიჭინავამ წარუმატებელ შედეგზე ისაუბრა გადაცემაში „შუადღე Live“.
ყოფილი ტელეწამყვანი იხსენებს, რომ მოდას აჰყვა და 25 წლის ასაკში გადაწყვიტა ტუჩი გაედიდებინა, რაც მაშინ ძალიან მოსწონდა, თუმცა დღეს დისკომფორტს უქმნის.
„რაც მინდოდა, ის მივიღე. გამიდიდდა ტუჩი. ძალიან დიდი დისკომფორტია სიცივესა და სიცხეში, რადგან სკდება. გადავრჩი, რომ არ გამიჩნდა ბურთულები, არ დაიშალა. ბიოპოლიმერს აქვს მონაცემი, რომ მიიღოს დეფორმაცია, ან ცალ მხარეს წავიდეს და ამ შემთხვევაში ეს არ გააკეთა. უმჯობესი იქნებოდა ჩემი ფორმა მქონოდა. ოპერაციაც რთულია. გადავწყვიტე, რომ თუ დავუშვი შეცდომა, მთელი ცხოვრება ეს შეცდომა მეტარებინა“, – განაცხადა სიჭინავამ.