თბილისი, 8 მარტი — Sputnik. ძლიერი ხანძარია თბილისში, თევდორე მღვდლის ქუჩაზე.
ცეცხლი საცხოვრებელი კორპუსის ერთ-ერთ ბინაში გაჩნდა. ამ დროისათვის ხანძრის გაჩენის ზუსტი მიზეზი უცნობია.
ადგილზე მობილიზებულია რამდენიმე სახანძრო ეკიპაჟი, პერიმეტრი შემოსაზღვრულია სპეციალური ლენტებით და მიმდინარეობს ცეცხლის ჩაქრობის აქტიური სამუშაოები.
მედიაში გავრცელებული ინფორმაციით, სახლში ერთი ქალბატონი იმყოფებოდა, მისი გამოყვანა მეხანძრეებმა შეძლეს.