თბილისი, 5 მარტი – Sputnik. ქუთაისში მოკლემეტრაჟიანი ფილმების საერთაშორისო ფესტივალი ჩატარდება, ნათქვამია საქართველოს კინემატოგრაფიის ეროვნული ცენტრის მიერ გავრცელებულ ინფორმაციაში.
საკონკურსო ფილმების მიღება უკვე დაიწყო და 20 ივნისამდე გასტანს. ფესტივალი კი 1-7 ოქტომბერს გაიმართება.
ცენტრის ინფორმაციით, სელექცია შედგება ორ კატეგორიაში - მოკლემეტრაჟიანი მხატვრული (10-35 წთ) და მოკლემეტრაჟიანი დოკუმენტური (10-35 წთ) ფილმები.
კონკურსის გამარჯვებულებს ფესტივალის მთავარი პრიზი - ოქროს დინოზავრი გადაეცემათ.