მომღერალი ნინი შერმადინი, რომელიც რამდენიმე წელია ამერიკაში ცხოვრობს, აპირებს ხუთი ბავშვი იშვილოს და საცხოვრებლით უზრუნველყოს. ამის შესახებ ნინიმ „ფეისბუქის“ პირად გვერდზე დაწერა.
„ჩემს „ფეისბუქ“ გვერდზე დავპოსტე და ვთქვი, რომ ვიშვილებდი 5 ბავშვს. არ აქვს მნიშვნელობა უკრაინელია, ქართველია, რუსია თუ ა.შ., არ აქვს მნიშვნელობა ასაკს და მის უნარებს. სრული პასუხისმგებლობით ვაცხადებ, რომ მე მათ აშშ-ში წავიყვან, მივცემ განათლებას, გავზრდი, როგორც იქნება, დავეტევით. 5 ბავშვს იმიტომ ვამბობ, რომ ჩემი ფინანსური მდგომარეობიდან გამომდინარე 5 ბავშვს შემიძლია გავუწიო უზრუნველყოფა. იქნებ რამენაირად დამიკავშირდეს ვინმე წარმომადგენელი... პოლონეთში ჩავალ, რომ ბავშვები წამოვიყვანო“, – აცხადებს ნინი შერმადინი.
რამდენიმე თვეა მომღერალს კორონავირუსისგან საქართველოში მცხოვრები მშობლები გარდაეცვალა. მომღერალმა შვილისთვის, რომელიც საქართველოში იზრდებოდა, დოკუმენტაცია მოიპოვა, როგორც იქნა, აისრულა დიდი ხნის ნატვრა და შვილი აშშ-ში წაიყვანა.