მომავალი ჰერცოგინია არ იყო წინააღმდეგი რომელიმე ინგლისელ ჯენტლმენთან ფლირტის, ჰარის კი მხოლოდ საღამოს სასიამოვნო კომპანიაში გატარება სურდა. ისე მოხდა, რომ საუბრის საერთო თემებმა და საკუთარი თავის და სამყაროს უკეთესობისკენ შეცვლის სურვილმა აჩვენა მეგანს და ჰარის, რომ ისინი ერთმანეთისთვის იყვნენ შექმნილი. იმ მომენტში თითოეული მათგანი მიხვდა, რომ უპირობოდ შეუყვარდა და უკვე 2018 წლის 19 მაისს წყვილმა იქორწინა. რამ აიძულა პრინცი ჰარი გაეცნობიერებინა, რომ მეგან მარკლი მისი ცხოვრების მთავარი ქალი იყო? ამის შესახებ სასექსის ჰერცოგის ყოფილმა შეყვარებულმა ფლორენს სენტ-ჯორჯმა ისაუბრა.
მას შემდეგ, რაც პრინცმა ჰარიმ და მეგან მარკლმა სამეფო ოჯახს ომი გამოუცხადეს და მათ დამოუკიდებლად დაიწყეს ცხოვრება, სასექსის ჰერცოგების ყოველი გამოჩენა საზოგადოებაში დიდ ყურდაღებას იპყრობს. სასექსის ჰერცოგინია ხშირად უჩივის პრესის გადაჭარბებულ ყურადღებას, თუმცა ჰარის ყოფილი შეყვარებულისგან ფლორენს სენტ-ჯორჯისგან განსხვავებით, მეგანმა ნერვებთან და შიშებთან გამკლავება მოახერხა. გარდა ამისა, ჰერცოგინია ახლა აქტიურად იყენებს ჟურნალისტებს საკუთარი სარგებლისთვის და, როგორც ჩანს, ახლა თავს ისე გრძნობს, როგორც თევზი წყალში. ფლორენსმა კი ვერ გაუძლო ჟურნალისტებისა და თაყვანისმცემლებისგან მუდმივ შევიწროებას, ამიტომ მან გადაწყვიტა ჰარი მიეტოვებინა.
ფლორენსი დიდი ხნის განმავლობაში განიცდიდა დეპრესიას, მაგრამ ახლა ის დაქორწინებულია ბიზნესმენზე. მათი ოჯახი საკმაოდ ჩაკეტილ ცხოვრებას ეწევა, თუმცა ცოტა ხნის წინ ფლორენსი გამოჩნდა ერთ სატელევიზიო შოუში, სადაც მან ოფიციალურად დაადასტურა, რომ პრინცთან ურთიერთობაში იყო. მათი რომანი მხოლოდ ორ თვეს გაგრძელდა, წყვილი დიდხანს ცდილობდა გრძნობების გასაიდუმლოებას, მაგრამ ჟურნალისტებისგან ვერაფერი დაიმალება. რეპორტიორებმა დაიწყეს ფლორენსზე შეტევა და გოგონამ ამას ვერ გაუძლო.
„მიუხედავად იმისა, რომ მაშინ ეს სამწუხარო იყო, მე გამიმართლა, რომ ეს ურთიერთობა ხანმოკლე იყო, – თქვა მან. – ყოველ ჯერზე, როცა ჰარის ნახვას ვახერხებდი, პაპარაცები გვდევნიდნენ, ცოტა დრო საკმარისი იყო ჩვენი სურათების გადასაღებად. მეორე დღეს კი ჩვენი სახელები ყველა სათაურში იყო. ეს მართლაც შემზარავია. სწრაფად მივხვდი, რომ ეს არ იყო ის, რაც მე მინდოდა”.
ახლა მოდელი დაქორწინებულია და შვილებს ზრდის, რაც იმაზე უკეთესია, რაც მისთვის საზოგადოებას ან სამეფო ოჯახს შეეძლო შეეთავაზებინა. მაგრამ მეგან მარკლი მიჩვეულია საზოგადოებრივ ცხოვრებას, როგორც ჩანს, მთელი ცხოვრება ოცნებობდა ყურადღების ცენტრში ყოფნაზე და მისი სურვილი, გამხდარიყო სასექსის ჰერცოგინია, წარმატებით განხორციელდა რეალობაში.
მეგანი ხარობს წითელ ხალიჩებზე და საჯარო გამოსვლის დროს. თუ მეგანს და ფლორენსს შევადარებთ, მარკლს თავიდანვე სამეფო ოჯახში გადარჩენის უკეთესი შანსი ჰქონდა. გარდა ამისა, მეგანმა იცოდა როგორ მოქცეულიყო საზოგადოებაში. ახლა სასექსის ჰერცოგინიას ყოველი გამოსვლა აქტიურად განიხილება ჟესტებისა და სხეულის ენის ექსპერტების მიერ.
„მე ქედს ვიხრი იმ ადამიანების წინაშე, რომლებსაც შეუძლიათ ამ ცხოვრების წესით იცხოვრონ, მაგრამ მე ეს არ შემიძლია”, – თქვა ჰარის ყოფილმა შეყვარებულმა და პატივი მიაგო მის ამჟამინდელ მეუღლეს მეგანს. ვარსკვლავებისა და პოპულარობის სამყაროში იმარჯვებს მხოლოდ ის, ვისაც აქვს ფოლადის ხასიათი და ნებისყოფა – სწორედ ეს დაეხმარა მეგან მარკლს საზოგადოებაში ასეთი მაღალი სტატუსის მოპოვებაში და პრინც ჰარის გულის მოგებაში.