თბილისი, 22 თებერვალი – Sputnik. კონფერენციების, სემინარებისა და ტრენინგების ჩატარებაზე 15 მარტიდან ყოველგვარი შეზღუდვა მოიხსნება, განაცხადა უწყებათშორის საკოორდინაციო საბჭოსთან არსებული ოპერაციული შტაბის უფროსმა გიორგი ღიბრაძემ საკოორდინაციო საბჭოს სხდომის დასრულების შემდეგ.
ამ დროისათვის კონფერენციების, სემინარებისა და ტრენინგების ჩატარების დროს აკრძალულია 70-ზე მეტი ადამიანის შეკრება.
როგორც ღიბრაძემ განმარტა, სამომავლოდ შეზღუდვების შემსუბუქება ეპიდემიოლოგიურ სიტუაციაზე იქნება დამოკიდებული. მისი განმარტებით, საკოორდინაციო საბჭო დღეიდან კვირაში ერთხელ შეკრების ნაცვლად ორ კვირაში ერთხელ შეიკრიბება.
საკოორდინაციო საბჭოს სხდომაზე დღეს რიგი შეზღუდვების გაუქმების გადაწყვეტილება მიიღეს. მათ შორისაა ე.წ. კოვიდ-სასტუმროების გაუქმება, რესტორნებში რაოდენობის შეზღუდვის გაუქმება და ა.შ.