თბილისი, 12 თებერვალი - Sputnik. დასავლეთის რეაქცია უსაფრთხოების გარანტიების დოკუმენტების პროექტზე უგულებელყოფს მოსკოვისთვის საკვანძო დებულებებს, განაცხადა რუსეთის საგარეო საქმეთა მინისტრმა სერგეი ლავროვმა შაბათს აშშ-ს სახელმწიფო მდივანთან, ენტონი ბლინკენთან სატელეფონო საუბარში.
„როგორც რუსეთის საგარეო საქმეთა მინისტრმა აღნიშნა, ვაშინგტონისა და ბრიუსელის რეაქცია ჩვენს მიერ წარდგენილ რუსეთ-ამერიკული ხელშეკრულებისა და ნატოსთან უსაფრთხოების გარანტიების შესახებ შეთანხმების პროექტებზე უგულებელყოფს ჩვენთვის საკვანძო დებულებებს, უპირველეს ყოვლისა, ესაა ალიანსის აღმოსავლეთით გაფართოების დაუშვებლობა, რუსეთის საზღვრებთან ახლოს შემტევი შეიარაღების განთავსებაზე უარი“, - ნათქვამია საგარეო საქმეთა სამინისტროს განცხადებაში, რომელიც სატელეფონო საუბრის შემდეგ გავრცელდა.
„ყურადღება გამახვილდა იმაზე, რომ ეს საკითხები ცენტრალურ ადგილს დაიკავებს შეერთებული შტატებისა და ნატოსგან მიღებული დოკუმენტების ჩვენს შეფასებაში, რომელიც კოლეგებს ეცნობება“, - ნათქვამია განცხადებაში.