მას შემდეგ, რაც მასმედიაში გავრცელდა ინფორმაცია იმის შესახებ, რომ ცნობილი მუსიკოსი გია ბაღაშვილი და მსახიობი თაკო ტაბატაძე დაშორდნენ, სოციალურ ქსელებში განცხადება ჯერ თაკომ, შემდეგ გიამ გამოაქვეყნეს და დაშორებასთან დაკავშირებით განმარტებები დაწერეს.
როგორც წყვილი წერს, ისინი დაახლოებით სამი წლის წინ დაშორდნენ და ამის მიზეზი მათი განსხვავებული შეხედულებები გახდა. როგორც ჩანს, თაკოს ერთი განმარტება საკმარისი არ აღმოჩნდა და მსახიობმა ცოტა ხნის წინ მეორე განცხადებაც გაავრცელა, სადაც წერს, რომ მისთვის მნიშვნელოვანია მხოლოდ მისი შვილები, ხოლო პირად ცხოვრებაში სერიოზულ ცვლილებებს არ გეგმავს. ამ შემთხვევაში თაკო ალბათ მას და ცნობილ ფეხბურთელ ნუგო სპანდერაშვილთან დაკავშირებულ ინფორმაციას გულისხმობდა.
სოციალურ ქსელებში წყვილთან დაკავშირებით არაერთი კომენტარი დაიწერა. ფაქტს თაკოს განცხადების ქვეშ ცნობილი პროდიუსერი კახა მამულაშვილი, იგივე მამულიჩაც გამოეხმაურა და დაწერა, რომ არ თვლის, რომ ვინმე ახსნა-განმარტებებს იმსახურებს. მან თაკოს და მის გოგონებს, რომლებიც კორონავირუსს ებრძვიან, გამოჯანმრთელება უსურვა.
წყვილმა 2009 წელს იქორწინა, იმჟამად თაკო 18 წლის იყო და მიუხედავად იმისა, რომ მათ შორის 19-წლიანი ასაკობრივი სხვაობა იყო, წყვილი ბედნიერად გრძნობდა თავს. მათ ოთხი გოგონა ჰყავთ.