ტინა კუნაკმა ვენსან კასელის შემცვლელი იპოვა?– მოდელი ბრაზილიის სანაპიროდან ფოტოს აქვეყნებს

ტინა კუნაკმა და ვენსან კასელმა მთელი ზამთარი ბრაზილიაში გაატარეს. ბრაზილიის ცხელ სანაპიროზე მოდელს საყვარელი მამაკაცი უღებდა ფოტოებს.

სულ ცოტა ხნის წინ უმშვენიერესმა მოდელმა „ინსტაგრამზე“ უცნაური ფოტოები გაავრცელა, სადაც აღბეჭდილია, თუ როგორ პოზირებს ტინა სანაპიროზე, თუმცა კასელის ნაცვლად მას ფოტოებს ანდროიდი რობოტი უღებს.

„ბრაზილიაში ჩემი ბოლო ვოიაჟი ეპიკური იყო“, – ასე დაასათაურა ფოტოები ტინამ. მას უამრავი კომენტარი მოჰყვა. „ტინამ ვენსანის შემცვლელი იპოვა“, „ეს ვინ არის?“ – წერენ ინტერნეტ-სივრცეში.

წყვილის რომანის შესახებ ცნობილი 2015 წლის ზაფხულში გახდა, როდესაც ისინი კუნძულ იბიცაზე ისვენებდნენ. 2018 წლის 24 აგვისტოს ვენსან კასელი და ტინა კუნაკი დაქორწინდნენ, იანვარში კი ცნობილი გახდა, რომ ისინი პირველ შვილს ელოდებოდნენ.

მათ საერთო შვილი – სამი წლის ამაზონი ჰყავთ. ცნობილია, რომ ამაზონის ტყის დიდი ნაწილი ბრაზილიაშია, სადაც წყვილს სახლიც აქვს. სავარაუდოდ, პატარას სახელიც სწორედ მათ საყვარელ ადგილს უკავშირდება. კასელისთვის ეს მესამე შვილია, მას უკვე ჰყავს ორი გოგონა მსახიობ მონიკა ბელუჩისთან.