თბილისი, 26 იანვარი - Sputnik. თბილისის მერია სიცრუეს უწოდებს სოციალურ ქსელში გავრცელებულ ინფორმაციას იმის შესახებ, თითქოს აქამდე მოქმედი სამგზავრო ბარათები - „მეტრომანები“ უქმდება.
1 თებერვლიდან დედაქალაქში საზოგადოებრივ ტრანსპორტში მგზავრობის საფასურის გადახდის ახალი სისტემა ამოქმედდება. ახალი სააბონემენტო სისტემის ამოქმედების შემდეგ მოქალაქეებს ახალი სამგზავრო ბარათის შეძენა მოუწევთ, თუმცა არ უქმდება „მეტრომანებიც“.
მერიის ინფორმაციით, „მეტრომანები“ კვლავ რჩება მგზავრობის საფასურის ერჯერადი გადახდის უნივერსალურ საშუალებად, სამგზავრო აბონემენტების პარალელურად.
„გარდა ამისა, სრულად ნარჩუნდება ბარათზე აქამდე არსებული ბალანსები და აღნიშნული თანხის გამოყენება მგზავრს შეუფერხებლად შეუძლია“, - აღნიშნულია განცხადებაში.
მერიის ცნობით, „მეტრომანით“ მგზავრობის საფასურის გადახდა აქამდე შესაძლებელი იყო მეტროთი, ავტობუსით და საბაგიროთი მგზავრობისას, ამჟამად კი, ასევე, შესაძლებელია ლურჯი მიკროავტობუსით მგზავრობისას.
რაც შეეხება ახალ სამგზავრო ბარათებს, ისინი პერსონალიზებული არ იქნება და მის გამოყენებას მთელი ოჯახი შეძლებს. ულიმიტო 90-წუთიანი მგზავრობა 1 ლარი ეღირება, 1-დღიანი – 3 ლარი; 1-კვირიანი – 20 ლარი; 1-თვიანი – 40 ლარი; 3-თვიანი –100 ლარი; 6-თვიანი – 150 ლარი; 1-წლიანი – 250 ლარი.
რაც შეეხება ახალ სამგზავრო ბარათებს, ისინი პერსონალიზებული არ იქნება და მის გამოყენებას მთელი ოჯახი შეძლებს. ულიმიტო 90-წუთიანი მგზავრობა 1 ლარი ეღირება, 1-დღიანი – 3 ლარი; 1-კვირიანი – 20 ლარი; 1-თვიანი – 40 ლარი; 3-თვიანი –100 ლარი; 6-თვიანი – 150 ლარი; 1-წლიანი – 250 ლარი.
აბონემენტის გამოყენებისას ორ გადახდას შორის ინტერვალი არ უნდა იყოს 15 წუთზე ნაკლები, ხოლო ბარათი ყოველი მომდევნო მგზავრობის დასაწყისში უნდა დაფიქსირდეს.
წყარო: თბილისის მერია