თბილისი, 2 იანვარი — Sputnik. 2022 წლის საქართველოს სახელმწიფო ბიუჯეტში 114,2 მილიონი ლარია გამოყოფილი იძულებით გადაადგილებული პირების საცხოვრებლით უზრუნველსაყოფად.
დღეის მდგომარეობით, იძულებით გადაადგილებული პირის სტატუსი საქართველოში 286,8 ათასზე მეტ ადამიანს აქვს. ეს 90,6 ათასი ოჯახია. თბილისში სულ 37,8 იძულებით გადაადგილებული ოჯახი ცხოვრობს. სახეlმწიფო ეტაპობრივად აძლევს ბინებს ოჯახებს, მაგრამ მათ მაინც წლობით უწევთ რიგში დგომა.
იძლებით გადაადგილებულებმა ბინის ან სახლის მისაღებად სპეციალური განაცხადი უნდა შეავსონ. შემდეგ ამ განაცხადის საფუძველზე სააგენტო მათ 0-10 ქულამდე მიანიჭებს - მატერიალური მდგომარეობიდან და ახალი საცხოვრებლის აუცილებლობიდან გამომდინარე. რის შემდეგაც კომისია ადგილზე პირადად სწავლობს თითოეული იძულებით გადაადგილებულის საკითხს.
ის ბინები, რომლებსაც ახალაშენებულ სახლებში იძენს სახელმწიფო და უკვე გარემონტებულს გადასცემს იძულებით გადაადგილებულ პირებს, მათი საცხოვრებლით უზრუნველყოფის ერთადერთი პროგრამა არ არის.
სახელმწიფო ასევე აშენებს მრავალსართულიანი სახლების მთელ კვარტლებს რეგიონებში, სახსრებს გამოუყოფს იძლებით გადაადგილებულებს სოფლებში სახლის შესაძენად, საკუთრებაში გადასცემს მუნიციპალიტეტის იმ ფართს, სადაც ისინი ცხოვრობენ და უხდის მათ ბინის ქირას.