ფოტოები – ულამაზესი ნაძვის ხეების ტოპ–ათეული საქართველოში

საახალწლოდ მორთული ნაძვის ხეები ალამაზებენ ქალაქსაც და ამაღლებენ განწყობასაც.

თბილისის ნაძვის ხემ თავიდან დიდი კამათი გამოიწვია, მაგრამ უკვე მეორე წლია, ახარებს თბილისელებს თავისი სილამაზით. თან მას ყოველ წელს ემატება ახალ–ახალი მორთულობა და ეს განსაკუთრებულ შარმს სძენს.

ქუთაისის ნაძვის ხემ ბევრის გული დაიპყრო. მას საუკეთესოს უწოდებენ საქართველოს რეგიონების ნაძვის ხეებს შორის. ის მორთულია უამრავი სათამაშოთი, გირლანდებით და ფიგურებით.

რუსთაველებსაც მოსწონთ თავიანთი ნაძვის ხე. ამაზე მეტყველებს ის, რომ ქალაქის ოფიციალურ გვერდზე მას ათასზე მეტი მოწონება აქვს. ის მრავალფეროვანი სათამაშოებით, ბაფთებითა და თოვლის ფიფქებით არის მორთული.

არანაკლებ ლამაზია ფოთის ნაძვის ხე, რომლის ანთების პროცესი გრანდიოზული იყო – გაუშვეს ფოიერვერკები. ორიგინალურია მასზე განთავსებული შტურვალები – ფოთი ხომ საპორტო ქალაქია.

გორის ნაძვის ხემ განსაკუთრებული აღფრთოვანება სოციალურ ქსელში არ გამოიწვია. ის მორთულია დიდი ანგელოზებით, ვარსკვლავებითა და მცირე რაოდენობის გირლანდებით. გასული წლების მასშტაბები არაა, მაგრამ თავისი ხიბლი მაინც აქვს.

როგორც ჩანს, წალენჯიხაში წითელი ფერი განსაკუთრებულად უყვართ. ნაძვის ხე მართლაც ლამაზი და ელეგანტური გამოვიდა.

ქედაში უჩვეულო სადღესასწაულო ნაძვის ხე დგას. ესაა რკინის კონსტრუქცია ნაძვის ხის ფორმით, რომელიც მორთულია სათამაშოებით და განათებულია გირლანდებით.

ოზურგეთის ნაძვის ხე განსაკუთრებით ლამაზია საღამოს საათებში. განსაკუთრებით ეფექტურია ნაძვის ხეზე ვარსკვლავების დაცემის იმიტაცია.

ზუგდიდის ნაძვის ხე ლამაზადაა განათებული ოქროსფერი „ცეცხლით“, თეთრი ფიფქებითა და სხვადასხვა ორნამენტით.

ბათუმში საახალწლო ნაძვის ხე ზეიმისა და ფოიერვერკებით ფონზე აანთეს. მაგრამ თავად ნაძვის ხემ კამათი გამოიწვია. ზოგიერთს არ მოეწონა დიდი ოქროსფერი, წითელი და ვერცხლისფერი ბურთები. სამაგიეროდ, ბათუმის ნაძვის ხე ყველაზე ორიგინალურად მორთული აღმოჩნდა.