თბილისი, 29 დეკემბერი – Sputnik. ამინდის გაუმჯობესების გამო ტრაილერებისთვის მოძრაობის რეჟიმი შეიცვალა შიდასახელმწიფოებრივი მნიშვნელობის კოდა–ფარცხისი–მანგლისი–წალკა–ნინოწმინდის საავტომობილო გზის 94-104 კმ (ფარავანის უღელტეხილი) მონაკვეთზე.
სატვირთოებისთვის, ნაცვლად 10:00-დან 18:00 საათამდე პერიოდში მოძრაობისა, გადაადგილება ახლა უკვე თავისუფალია 08:00-დან 20:00 საათამდე.
როგორც საავტომობილო გზების დეპარტამენტის მიერ გავრცელებულ ინფორმაციაშია ნათქვამი, აღნიშნულ მონაკვეთზე დანარჩენი სახის ავტოტრანსპორტის მოძრაობა თავისუფალია 24 საათის განმავლობაში.
აღნიშნული რეჟიმით მოძრაობა საპატრულო პოლიციის უშუალო ზედამხედველობითა და კოორდინაციით განხორციელდება.
როგორც უწყებაში აცხადებენ, აღნიშნული გზის დანარჩენ მონაკვეთზე ავტოტრანსპორტის მოძრაობა თავისუფალია.