მსახიობი და ტელეწამყვანი, უკვე ორი შვილის დედა რუსკა მაყაშვილი მეორე ბავშვის გაჩენიდან უკვე 7 დღეში ახალი გადაცემის გადასაღებ მოედანზე იყო. რუსკა ჟურნალ ,,სარკესთან” ამბობს, რომ ორი შვილის დედობამ მისი და მისი ქმრის სანდრო ნიჟარაძის ოჯახურ ცხოვრებას სულ სხვა ელფერი შესძინა. ჯერ ილიას და ახლა კატოს დაბადებამ ცოლ-ქმრის ურთიერთსიყვარული უფრო გააძლიერა.
„რომ ვაცნობიერებ – ორი შვილი მყავს, თავი ძალიან მაგარი ქალი მგონია. არადა, ხალხი 6-7 შვილს ზრდის და მათ რაღა უნდა თქვან?! ბედნიერი ვარ, რომ გოგოც მყავს და ბიჭიც, რაღაცნაირად შევკარი ჩვენი ოჯახი“, – ამბობს რუსკა.
კითხვაზე, განიცადა თუ არა მისი და მისი ქმრის სიყვარულმა ცვლილებები ოჯახში შვილების შემომატებასთან ერთად, მსახიობი ამბობს, რომ სიყვარული გაძლიერდა და გაკარგდა, რადგან თითოეული ბავშვის დაბადებამ ახალი სიცოცხლე და ენერგია შემოიტანა ოჯახში.